भोगाई र भावनाका पाइलाहरु .........a blog by- Dipak yatri

"संसारमा सबभन्दा मुस्किल काम आफूलाई सुधार्नु हो भने सबभन्दा सजिलो काम अरुको कुरा काट्नु हो ।" : - अज्ञात ... ..... "तिमी कुनै पनि उपहार दिएर नकिन, किनकी जब तिमी उपहार दिन छाड्छौ उनीहरु तिमीलाइ पनि छाड्ने छन।":- फुलर ..............."असल पुस्तक पढने मानिस खराब हुन सक्दैन।":-थोरो

covid 19

Showing posts with label गजल. Show all posts
Showing posts with label गजल. Show all posts

Saturday, November 16, 2019

गजल



यती छिटै ढल्कियो, यो जिन्दगानी सोचिरहेछु
उस्तै गरी ढल्कियो, यो जवानी सोचिरहेछु।

यो आगो हो, के जल्छ के जलाउछ भन्थे
जलेपछी बन्छ, क्षणमै खरानी सोचिरहेछु।

तिम्रै वरिपरी तिम्रै काखमा, हुन्छु भन्ने थियो
खुवाउन पाईन, एकमुठी पानी सोचिरहेछु।

नरोउ भनी खुव सम्झाए, तिमीलाई त्यो रात
सम्झाउदा सम्झाउदै, रुझेछ सिरानी सोचिरहेछु।

कुनै दिन यही सम्म, ल्यानेछन मलामी हरुले
जलाउने छन र सकिने छ, मेरो कहाँनी सोचिरहेछु।

Thursday, May 16, 2019

गजल

कुनै दिन मृत्यू सँग, हार्नु छ जिन्दगीले
यहा बाट टाढा बसाई, सार्नु छ जिन्दगीले

तिमी सँग रहर लाखौ होलान, हुनुपर्छ हुन त
बाच्ने रहर आफै कुल्ची, मार्नु छ जिन्दगीले

गरिवीको पिँडा यो दुनीयाले, के जानोस
रगत पसिना बेच्न संसार, चाहार्नु छ जिन्दगीले


महलको बसाई भरी पेट को सपना, देख्दैन यात्री
एक सरो कपडा आधी पेट, टार्नु छ जिन्दगीले


Tuesday, March 26, 2019

रातो बाकसमा बोकिन्छ जिन्दगी

थाहा छैन कहिले कहाँ, रोकिन्छ जिन्दगी        
   कर्कलाको पानी जस्तै, पोखिन्छ जिन्दगी।

भोको पेटको तुफानहरुले, उडाउदै लैजादा
दिल्लीका कोठी हरुमा, ठोकिन्छ जिन्दगी।

केवल एकसरो लगाउन र दुई छाक खान हो
मरुभुमीको तातो हावामा, जोखिन्छ जीन्दगी।

बस्तु हो गरीवको जुनी, किनबेच चल्छ बजारमा
म्यानपावर र दलालको भाउमा, तोकिन्छ जिन्दगी।

धन ल्याउने आशमा, बिदेशीएको हो छोरो
जुनैसुकै बेला रातो बाकसमा, बोकिन्छ जिन्दगी।


Tuesday, February 5, 2019

तिम्रो याद

 तिम्रो याद नआएको, यहाँ कुनै पल छैन
 जुनी जुनी तिम्रै हुँ म, यसमा कुनै छल छैन ।

 एक्लै जिउनू पर्दा यहाँ, सधैभरी उदासी छु
 पखाल्ने त्यो उदासी पन, धारा अनी कल छैन ।

 प्रत्येक स्वास आउदा जादा, तिमीलाई नै सोधी राख्छ
 नलीऊ भने तिम्रो नाम, मुटुको  नि चल छैन ।

 पवित्र छ  मेरो प्रेम, जन्मौ जन्म तिमीलाई नै
 जस्तो हुन्छ गंगाको जल, अर्को कुनै जल छैन।

 कहिँले काँही तिम्रो याद, नकल्पेरै बसु लाग्छ
 यो सृष्टीमा सुन्यताको, त्यस्तो कहीँ थल छैन।

 तिम्रो याद...............

Tuesday, September 18, 2018

पानी जस्तै बगी जाने रै छ जिन्दगानी

पानी जस्तै बगी जाने खोला रै छ जिन्दगानी
बग्दै, बग्दै सागर भेटन पुग्दो रै छ जिन्दगानी

पल पल,पल पल बित्दै जान्छ एकोहोरो
भरखरकै क्षण पनि नफिर्ने रै छ जिन्दगानी

बाचुन सम्म  तेरो मेरो डाहा इर्षा झैझगडा
मरे पछी धुवा बनी उडनु रै छ जिन्दगानी

फक्रे पछी  फुल ओईलीएर झरी जान्छ
जन्मे पछी मर्नै पर्ने चोला रै छ जिन्दगानी





Sunday, September 16, 2018

आज राती सपनीमा

आज राती सपनीमा, आफै मरको देखे
बेसी देखी तल धेरै तल, झरेको देखे ।

कोही अघी बोक्दै थिए कोही पछी पछी
बाटो भरी मास र चामल छरेको देखे।

रुदै थीए आफन्त जन डाको छाडी छाडी
मलाई देख्दा डराएर पर पर सरेको देखे ।

न कसै सँग दुस्मन थियो न कसै सग रिस
दैव ले नै डाह गर्दै मेरो  खुशी हरेको देखे ।

आकाशमा धुवाँ पर पर नदिमा खरानी उधै उधो
कहिल्यै नफर्कीने गरी यो सागर तरेको देखे ।





Saturday, September 15, 2018

चल्दै छ जिन्दगानी


थोत्रो गाडी जस्तै, चल्दै छ जिन्दगानी
ग्यारेज मर्मत  सम्भार, चल्दै छ जिन्दगानी

जलाई दिन्छु भन्थे, मेरो अभावमा उसलाई
ठुटा जस्तै चुरोटको, जल्दै छ जिन्दगानी

थुप्रै आसा बोकेर, बिउझन्छ मिरमिरे उषा
बिस्तारै पश्चिम तिर , ढल्दै छ जिन्दगानी

पहाड चढनु छ, क्षितिज पर सम्म हेर्नु छ
डाडा नकुल्चेको धेरै भो, गल्दै छ जिन्दगानी

खुव सपना हरु देखायो, यो साला जिन्दगीले
आजकल आफै लाई नै, छल्दै छ जिन्दगानी


Saturday, October 22, 2011

यसपालि नी आइन दिदी

पोहोर ढाटे परार ढाटे, यसपालि नि आइन दिदी
रहर थियो टिका थाप्ने, छुट्टी मैले पाइन दिदी

देउसी भैलो रमाइलो, गर्दै होलान् इष्टमित्र
यसै बित्यो यसपालि नि, देउसी भैलो गाइन दिदी

दशैँ बित्यो रुदा रुदै, तिहार पनि उसै जाला
भत्के पछि मनहरु, दशैँ कै दिन खाइन दिदी

भन्छन कोही टिका लगाउ, म पनी त बहिनी नै हुँ
हजुर बाहेक अरु कसैको,  टिका मैले लाइन दिदी

आशुको नै सप्तरंगी, गला भरी पहिरी राछु
त्यसैले त हजुर सँग, अनलाइन मा छाइन दिदी



Friday, August 12, 2011

६०१ फेल भयो

हाम्रो देशको गणतन्त्र, कुर्ची तान्ने खेल भयो
सिधा सादा जनतालाई, हुन सम्म झेल भयो

नाना थरी सपना बाड्यौ, गणतन्त्र ल्याउने बेला
दुखी गरिब जनतालाई, गणतन्त्र वेल भयो

कति मरे अनाहाकमा, जनयुध्द पगेरीमा
शहिदको रगत आज, ब्यर्थको भेल भयो

लेख्छऊ भन्दै के के कुन्नि, सत्ता भत्ता पोको पारे
संविधान त जनतालाई, भुलाउने सेल भयो

फिर्ता देऊ भत्ता अब, पाईदैन जनता लुटन
तिन बर्ष भो केही गरेनन्, ६०१ फेल भयो


Friday, June 17, 2011

सिन्धुर भरेको दिन

तिम्रो मेरो नाम आज एकै ठाउमा कोरेको दिन
लाखौ जुनी सगै जिउने बाचाहरु गरेको दिन

उज्यालो थ्यो मन भरी पश्चिम घाम लागे पनि
आकासको जुन पनि मेरै घर झरेको दिन

परेली मा आसु देखाई मन भरी खुसी लुकाई
माईतीघर छाडीकन तिमीले डेरा सरेको दिन

Thursday, June 2, 2011

पराई भुमी

बिदेश को दु:ख ब्याथा गजल मा कोर्दछु म
देखेका ति सपनाहरु आफै भित्र तोड्दै छु म

आफ्नै खेत बाँझो राखी मिठो खाने लालचमा
पराई देशको जंगलमा झारपात गोड्दै छु म

भैसी गोठ पाखा लगाई त्यही धनले यता आए
गोबर छुन घिन लाग्थ्यो मान्छेया भकार सोर्दैछु म

आसा ठुला नराख्नु है प्रिय तिमी बिदेशको
घर आउने बाटो खर्च उधारी मा जोडदैछु म

तितो खस्रो जे खाएनी आफ्नै देश प्यारो रै छ
नियास्रो छ पराई भुमि आजै देखी छोड्दै छु म

Friday, December 24, 2010

आमा


बाल पनको न्यानो काख अझै भुल्या छैन आमा
दस धार दुध ख्वायौ अझै पुग्या छैन आमा

लाग्छ अझै बाल बनि तिम्रो काख निदाई रहु
बाल पनको न्यानो काख अझै भुल्या छैन आमा

गास काटी खुवाउथ्यौ तोते बोली सिकाउदै
कोखा कोखा ताते ताते अझै पुग्या छैन आमा

घाँस दाउरा पधेरीमा तिमी सँगै जाऊ लाग्थ्यो
हात समाई धित मरुञ्जेल अझै डुल्या छैन आमा

तिम्रो गाली मार्ग हुन्थ्यो कतै मैले मानिन कि
बाटो बिराई हिडेको भए गाली पुग्या छैन आमा

म दुख्दा नि तिमी रुन्थ्यौ घाऊ चोट लागे कतै
संसारमा तिमी भन्दा ठुली देख्या छैन आमा