भोगाई र भावनाका पाइलाहरु .........a blog by- Dipak yatri

"संसारमा सबभन्दा मुस्किल काम आफूलाई सुधार्नु हो भने सबभन्दा सजिलो काम अरुको कुरा काट्नु हो ।" : - अज्ञात ... ..... "तिमी कुनै पनि उपहार दिएर नकिन, किनकी जब तिमी उपहार दिन छाड्छौ उनीहरु तिमीलाइ पनि छाड्ने छन।":- फुलर ..............."असल पुस्तक पढने मानिस खराब हुन सक्दैन।":-थोरो

Tuesday, March 5, 2019

छिया छिया पारीदिनुस

यी मेरा हातहरु
काटेर फालीदिनुस !
खुट्टाहरु भाँचेर फालीदिनुस !
आँखाहरु फोडेर च्यातीदिनुस !
आमालाई आगो
सल्काएका हातहरु हुन।
कहिल्यै नफर्किने गरी
मेरी आमालाई घाट पु्‍‍‍‍र्‍‍‍‍‍‍‍याउने
खुट्टा हरु हुन ।
दन दनी आगो बलिरहदा
त्यो आमाको चितामा
टुलुटुलु हेरीरहने
यी मेरा आँखा हरु हुन ।
यी असक्षम मेरा अंग हरु
टुक्रा टुक्रा पारीदिनुस ।
गुनासो रहने छैन कसै सँग
छिया छिया पारीदिनुस ।