भोगाई र भावनाका पाइलाहरु .........a blog by- Dipak yatri

"संसारमा सबभन्दा मुस्किल काम आफूलाई सुधार्नु हो भने सबभन्दा सजिलो काम अरुको कुरा काट्नु हो ।" : - अज्ञात ... ..... "तिमी कुनै पनि उपहार दिएर नकिन, किनकी जब तिमी उपहार दिन छाड्छौ उनीहरु तिमीलाइ पनि छाड्ने छन।":- फुलर ..............."असल पुस्तक पढने मानिस खराब हुन सक्दैन।":-थोरो

Saturday, September 15, 2018

चल्दै छ जिन्दगानी


थोत्रो गाडी जस्तै, चल्दै छ जिन्दगानी
ग्यारेज मर्मत  सम्भार, चल्दै छ जिन्दगानी

जलाई दिन्छु भन्थे, मेरो अभावमा उसलाई
ठुटा जस्तै चुरोटको, जल्दै छ जिन्दगानी

थुप्रै आसा बोकेर, बिउझन्छ मिरमिरे उषा
बिस्तारै पश्चिम तिर , ढल्दै छ जिन्दगानी

पहाड चढनु छ, क्षितिज पर सम्म हेर्नु छ
डाडा नकुल्चेको धेरै भो, गल्दै छ जिन्दगानी

खुव सपना हरु देखायो, यो साला जिन्दगीले
आजकल आफै लाई नै, छल्दै छ जिन्दगानी